నీ తీతువు పిట్ట పాట సంచిలో
మృత్యువు వాసన
దరి చేరని నావకు గురుతుగా
నీ భాషా ప్రాభవం
ఎన్నాళ్ళని రాస్తావు
క్రమ పద్ధతిలో
మోతపెడుతూ ఒక మాట మరో దానిలోనికి దూసుకపోవడం
తెలుసు నీకు
అర్థాలతో ఏమ్పని ?
పుట్టలో చేయి పెడితే ఏ పాము ముందుగా కుట్టిద్దో తెలుసా నీకు?
ఏదో ఒకటి మొదలు పెట్టు
మోటు పదాన్నొకదాన్ని తొడిగి
దరి చేరడం కాదు
అద్దరులు, ఇద్దరులు లేరు ఇక్కడ
మాటలు గోడలకు డీకొని తలలు పగిలి నెత్తురు కక్కడమొక్కటే కదా సత్యం
దూయి తుణీరాన్ని
తలలెత్తిన పదాల పడగలమీద నీ విన్యాసం
మొదలెక్కడ
కొసలెక్కడ
శరపరంపరపంరపరశ
గురి లేదు, దరి లేదు
లేదు గురి దరి
ప్రేలాపనం
పేలే వ్రణం
దీనికిదే అశాంత శాంతి
కామెంట్‌లు లేవు:
కామెంట్‌ను పోస్ట్ చేయండి