చాన్నాళ్ళకు

జల ఎండిపోయిన
సందేహస్పదుడొకడు ఉబుసు పోక
రాసి చెరిపేసుకున్న కొన్ని వాక్యాలు:

పిల్లలు పెద్ద వాళ్ళను అనుకరిస్తారు

ఒక దారి ఏదో కనుగొనేదాకా
తమ వెనుకటి వారిని కాసేపు గౌరవిస్తారు

పాప అమ్మ నైటీని తొడుగుతుంది
బాబు నాన్నతనాన్ని అనుకరిస్తాడు

కాసేపే అనుకున్నా
వాళ్ళు వాళ్ళ పూర్వికుల శరీరాల్లోకి తప్పొప్పుల మినహాయింపుతో
ఇష్టంగా పరకాయ ప్రవేశం చేసి
కొన్ని విలువైన క్షణాలకు పటం కడతారు

పిల్లలకు కాలంలో వెనక్కి తిరిగి చూసుకోవడానికేమీ
ఉండదు కదా