ఎక్కడని మొదలు పెడదాం?
ఇద్దరు మనుషులు ఎక్కడైనా ఒకే సమయాన్ని పంచుకోవలసి రావడం-
నిజానికి
మనుషుల మధ్య ఏముంటాయి?
ఇంతకూ ఉన్నది ఇద్దరు మనుషులేనా?
గతాను గతమై ఎక్కడెక్కడకో కలిపే మహాసమూహమై
ఊర్లూ పేర్లూ అన్నీ కలగలిసి
కాలం హద్దులు చెరిగి
కొరుక్కు తినే పుండు రసిగా ధార కట్టడం ఇద్దరికీ తెలియడం లేదూ?
ఇద్దరు మనుషులు ఎక్కడైనా ఒకే సమయాన్ని పంచుకోవలసి రావడం
నిజంగా ఎంత యుద్ధం?
ఈ యుద్ధం ముగిసాక
లేదా కనీసం ముగిసిందని అనుకున్నాక
ఇక అక్కడ ఉండేదెవరు?
ఒదిగి ఒదిగి మడుగులొత్తే ఒక బానిస
బానిస తలపై ముడ్డి మోపిన ఒక యజమాని
కామెంట్‌లు లేవు:
కామెంట్‌ను పోస్ట్ చేయండి