ఒక భ్రాంతి కావాలి
కోరి కోరి ఒక కొరుక్క తినే దుఃఖం కావాలి
జీవితాన్ని అద్దంలో చూసుకోవడానికి ఒక శతృవు కావాలి
తెలిసి తెలిసి ఒక ఎక్‍స్‍ట్రీమ్ ఎండ్‍కు లాగడానికి ఏదో ఒక మత్తు కావాలి ప్రభో మత్తు కావాలి
అర్థం కాని వాస్తవానికి అవాస్తవమైనా సరే
అయితే తెలుపు లేదా నలుపు
రంగునలిమిన ఒక ఊరట కావాలి
ఊహించడానికి స్వప్నించడానికి
రమించడానికి విశ్రమించడానికి
రంగులేవీ చోరరాని మహా దుర్గమొకటి కావాలి నాయనా దుర్గమొకటి కావాలి
తెలుపో నలుపో
జీవితం కాకుండా
ఏదో ఒకే ఒక్కటి కావాలి
కామెంట్‌లు లేవు:
కామెంట్‌ను పోస్ట్ చేయండి