మచ్చల రాత్రులు
తెల్లని పవళ్ళు
చుట్ట చుట్టుకొని పడుకొని ఉంది కట్లపాము
సన్నని కదలిక ఏదో
పారదర్శకమై
పొరల డొంకపై పడి చెల్లాచెదరై
చలివారిన చీకటి జాముకు మూలగ
సన్నని కలుగులో
మెదిలే సుప్త చేతనంలో
తెరలు తొలిగి
దారులు కరిగి
సంకెళ్ళు తెగి
గీతలు దాటి
సంలీనమవుతున్న రంగుల చీకటి
మెలికలు తిరిగిన కలలప్రవాహపు వడిలో
ఎటుపోతున్నదీ ఎరుగని
కట్ల కట్ల కదలిక
చీలిన నాలికల కొసల
చీకటి పాడిన మహత్తర గానం
నిజంగా
ఉన్నది ఒక్కటి కాదు
కామెంట్‌లు లేవు:
కామెంట్‌ను పోస్ట్ చేయండి