చేస్తున్న పనుల జాబితానొకదానిని చేత పట్టుకొని
మాటల ఢమఢమలతో ప్రదర్శనా పూర్వకంగా అతని ముందు నిలబడ్డాను
ప్రశాంత వదనంతో కాసేపు చూసి
కొంచెం నవ్వుతో ఏమీ చేయకుండా ఎప్పుడైనా ఉండి ఉన్నావా-
అతను
రోజుల కీళ్ళు సడలి వదలని చీడతో
కునారిల్లుతున్నపుడు అకస్మాత్తుగా మళ్ళీ అతడే
ఏమీ చేయని నిరామయ విరామమై
క్రియా పూరక సమయాలకు అలవాటుగా కూరిన చర్యా ప్రతి చర్యల శృంఖలాలలో
అనేక పొరలుగా పొటమరించే అర్థాలేమిటో విప్పిచెప్పగల
నిశ్శబ్ధంగా వికసించే పువ్వు ఒకటి
ఎప్పటికైనా ఇక నాలో ?
కామెంట్‌లు లేవు:
కామెంట్‌ను పోస్ట్ చేయండి